fbpx

एकूण नोंदणी

0 +

या कार्यक्रमाला पाठिंबा देण्यासाठी आणि माझ्याशी जुडण्यासाठी नोंदणी करा

– रोहित पवार –

|| स्वराज्य ध्वज ||

स्वराज्य ध्वजस्तंभ
आपला भारत हा समृद्ध व वैभवशाली ऐतिहासिक, सांस्कृतिक परंपरा असलेला देश आहे. कर्जत-जामखेडमध्येही अभिमानाने मान उंच व्हावी अशा अनेक परंपरा, ठिकाणे आहेत. खर्ड्या जवळचा शिवपट्टण किल्ला हा त्यापैकीच एक. याच किल्ल्याजवळ हिंदवी स्वराज्यातील शेवटची लढाई झाली होती आणि शत्रूला धूळ चारत आपल्या शूर मावळ्यांनी त्यावर भगवा फडकवला होता. आता या किल्ल्याच्या आवारात प्रेरणा, ऊर्जा देणारा भव्य स्वराज्य ध्वजस्तंभ साकार होत आहे. दसऱ्याच्या शुभमुहूर्तावर या स्वराज्य ध्वजाची प्रतिष्ठापना होत असून तत्पूर्वी महाराष्ट्रासह देशातील विविध ७४ महत्त्वाच्या धार्मिक, आध्यात्मिक स्थळे, स्मारके, गडकिल्ले आदि ठिकाणी ध्वजाचे पूजन होणार आहे.
उद्देश:
हा स्वराज्य ध्वज सर्वांचा आहे. देशाचे भवितव्य असलेल्या युवा शक्तीला प्रगतीच्या दिशेने जाण्यासाठी हा ध्वज सकारात्मक विचार व प्रेरणा देईल. आधुनिक तंत्रज्ञानाच्या काळासोबत पुढे जाताना आपल्या समृद्ध परंपरा, वारसा जपण्याचा, वाढवण्याचा हा’एक प्रयत्न आहे. एकात्मतेचा संदेश देणाऱ्या या स्वराज्य ध्वजाचे विविध संतपीठे, शौर्यपीठे, धार्मिक पीठाच्या ठिकाणी पूजन होणार आहे.
स्वराज्य ध्वजाचे महत्त्व:
स्वराज्य ध्वज हा भगव्या रंगातील आहे.“भगवा* म्हणजे उत्तम गुणांनी संपन्न.भगवा रंग हा कोणा एकाचा नव्हे तर तो सर्वांचा असून समानतेचा, सर्वसमावेशकतेचा संदेश देणारा आहे. धार्मिक, आध्यात्मिक, सामरिक महत्त्व एकवटत असलेल्या या भगव्या ध्वजापुढे प्रत्येकजण कृतज्ञतेने नतमस्तक होतो. लाल व पिवळ्या रंगांच्या मिश्रणातून तयार झालेला भगवा रंग ऊर्जा, भक्ती-शक्ती व आनंदाचे प्रतिक मानला जातो. अग्नीच्या धडधडत्या ज्वालांमध्येही तो दिसतो. अग्नी वाईट गोष्टींचा विनाश करून शुद्धता देतो. भगव्या झेंड्याचा आकारही दुर्गुणांचा नाश करणाऱ्या अग्निज्वालांसारखाच आहे. भगवा रंग तरूणाईच्या सळसळत्या उत्साहाचे प्रतिक आहे. भगवा प्रगतीचे, त्यागाचे, संघर्षाचे, न्यायाचे, प्रगल्भतेचे आणि समतेचे प्रतिक आहे.
स्वराज्य ध्वजाची वैशिष्ट्ये:
हिंदवी स्वराज्याच्या विराट विजयाची नोंद झालेली शेवटची लढाई नगर जिल्ह्यातील कर्जत-जामखेडमधील शिवपट्टण किल्ल्याभोवती झाली. कर्जत-जामखेडचे आमदार रोहितदादा पवार यांनी या किल्ल्याचं ऐतिहासिक महत्त्व ओळखून या परिसराला नवी ओळख देण्याचा संकल्प केला आणि त्यानुसार या किल्ल्याच्या आवारात भव्य ध्वजस्तंभ साकार होत असून त्यावर भगवा स्वराज्य ध्वज अभिमानाने फडकणार आहे.या ध्वजाचे वैशिष्ट्य म्हणजे ७४ मीटर उंचीचा हा महाराष्ट्रातीलच नाही तर भारतातील सर्वांत उंच भगवा ध्वज असेल. हिंदवी स्वराज्य संस्थापक, छत्रपती शिवाजी महाराजांच्या ६ जून १६७४ मध्ये झालेल्या राज्याभिषेकाचे स्मरण म्हणून या ध्वजाची उंची ७४ मीटर ठेवण्यात आली आहे.
  • ७ स्वराज्य ध्वज स्तंभ (उंची) – ७४ मीटर
  • स्तंभाचे वजन -१८ टन
  • स्वराज्य ध्वजाचा आकार-९६ X ६४फूट
  • स्वराज्य ध्वजाचे वजन – ९० किलो
 
PAMPHLET (1)
ध्वजपूजन प्रवास:
या सर्वसमावेशक ध्वजाचे पूजन सर्वांच्या हस्ते व्हावे, अशी लोकभावना असल्यामुळे महाराष्ट्रासह देशातील विविध ठिकाणी या ध्वजाचे पूजन होणार आहे. 3७ दिवसांच्या या प्रवासात स्वराज्य ध्वज ६ राज्यांमधून १२ हजार किलोमीटर प्रवास करेल. या दरम्यान विविध धार्मिक, आध्यात्मिक स्थळे, स्मारके अशा ऊर्जा केंद्रे असलेल्या ७४ ठिकाणी स्वराज्य ध्वजाचे प्रातिनिधिक पूजन होईल.
 
धन्यवाद!
प्रतिष्ठापना:
देशभरातील सर्व महत्त्वाच्या ठिकाणी प्रातिनिधिक पूजन झाल्यानंतर साडेतीन मुहुर्तापैकी एक असलेल्या दसऱ्याच्या मुहुर्तावर, १५ ऑक्टोबर २०२१ रोजी हा स्वराज्य ध्वज उभारला जाईल. आपण सर्वांनी या ऐतिहासिक क्षणांचे साक्षीदार व्हावे, अशी आम्हा कर्जत-जामखेडवासियांची इच्छा आहे. सध्याच्या कोरोनाच्या नियमांमुळे आपल्याला काही मर्यादा येत आहेत. आता प्रत्यक्ष शक्‍य नाही झाले तरी परिस्थिती सुधारल्यावर आपण अवश्य स्वराज्य ध्वजाला भेट द्यायला यावे, ही यानिमित्तानं आग्रहाची विनंती.
भारत प्रवास तपशील
महाराष्ट्र - तिसरा टप्पा

स्वराज्य ध्वज पूजनाचा मार्ग इथे पाहाता येईल:

‘स्वराज्य ध्वज गीत’

error: Content is protected !!